Mäjılıs deputaty Äbutälıp Mütälı Qazaqstannyŋ halyqaralyq tranzitten tolyq paida köre almai otyrǧanyn mälımdedı, dep habarlaidy "Adyrna" ūlttyq portaly.
Onyŋ aituynşa, el tek tranzittık dälız emes, qosymşa qūn qalyptastyratyn kölık-logistikalyq habqa ainaluy qajet.
Deputattyŋ sözınşe, bügınde Qazaqstan arqyly ötetın jük kölemı artyp keledı. 2025 jyldyŋ qorytyndysynda tranzit kölemı 36,9 mln tonnaǧa jetken. Alaida halyqaralyq tasymaldan tüsetın milliardtaǧan dollarlyq tabys tolyq igerılmei otyr.
Ol qazırgı Smart Cargo, logistikalyq pasport, qaǧazsyz qūjat ainalymy sekıldı jobalar bır-bırımen bailanyspai, bytyraŋqy damyp jatqanyn aitty. Sonymen qatar käsıpkerler jüktıŋ qozǧalysyn tolyq baqylai almaitynyn atap öttı.
Mütälı halyqaralyq täjıribede tabys tek tranzitten emes, jük öŋdeu, qaptau, sertifikattau jäne qaita eksporttau siiaqty qyzmetterden tüsetının mysalǧa keltırdı. Ol BAÄ-degı Djebel-Ali, Singapurdaǧy Tuas jäne Germaniiadaǧy Duisburg porttaryn atady.
Osyǧan bailanysty deputat Ükımetke industriialyq-logistikalyq habtardyŋ arnaiy rejimın engızudı, barlyq logistikalyq jüienı sifrlandyrudy, aldyn ala sifrlyq tölem eseptemesın jasaudy jäne 2035 jylǧa deiıngı ūlttyq damu baǧdarlamasyn äzırleudı ūsyndy.
Onyŋ pıkırınşe, būl şaralar Qazaqstannyŋ tranzittık elden qosylǧan qūn ekonomikasy qalyptasqan logistikalyq derjavaǧa ainaluyna mümkındık beredı.
