Ақтау-Бейнеу тас жолында жантүршігерлік жол апаты болып, 4 адам қаза тапты

2215
Adyrna.kz Telegram

Ақтау-Бейнеу тас жолында жантүршігерлік жол апаты болып, 4 адам қаза тапты, деп хабарлайды “Адырна” ұлттық порталы жергілікті Lada.kz сайтына сілтеме жасап. 

Қайғылы оқиға 28 шілдеде түс ауа болған. Lada Priora көлігінің жүргізушісі рөлді басқара алмай, қарсы жолаққа шығып кетіп, Mercedes Benz S-320 көлігімен бетпе-бет соқтығысқан.

"Жол-көлік оқиғасы салдарынан екі жүргізуші, Lada Priora көлігінің екі жолаушысы алған жарақаттарынан қаза болды. Сонымен қатар, екі жолаушы зардап шекті, олар жақын маңдағы аудандық ауруханаға жатқызылды", - деді облыстық полиция өкілдері.

Дерек Қазақстан Республикасы Қылмыстық кодексінің 345-бабы 4-бөлігі бойынша Маңғыстау ауданының полиция бөлімінде соталды тергеп-тексерудің бірыңғай тізіліміне тіркелген. Қазір тергеу амалдары жүргізіліп жатыр.

“Адырна” ұлттық порталы

Пікірлер