Нұр-Сұлтан мен Алматы қаласындағы көшелердің біріне мемлекет және қоғам қайраткері Алтынбек Сәрсенбайұлының есімі берілуі мүмкін. Бұл туралы өнер зерттеушісі, филология ғылымының кандидаты Сағатбек Медеубекұлы айтты, деп хабарлайды «Адырна» тілшісі.
Қоғам белсендісі бұған дейін әкімдіктерге хат жолдаған.
«Қадірлі достар! Сіздерді қуантайын. Бүгін 1414 арқылы хат келді. Алматы қаласының әкімдігінің өткенде өздеріңізге айтқан хатқа жауабы бар. Жауапта «болмайды» деген сөз жоқ. Соған қарағанда Алтынбек арыстың да атында Құдай қаласа, көше болады. Дәл сондай хат-жауап Нұр-Сұлтан қаласының әкімдігінен де келді. Тағы бір ауызша айтылған жақсы хабар Алтынбек Сәрсенбайұлының есімі өзі оқыған мектепке берілетін болыпты!»—деді ол.
