Ақтауда теңіз суының түсі өзгеріп кетті

2101
Adyrna.kz Telegram
Фото: видеодан алынды
Фото: видеодан алынды

Каспий теңізі жағалауындағы судың түсі өзгеріп жатыр. Бұл туралы куәгерлер видеоға түсіріп алған, деп хабарлайды “Адырна” ұлттық порталы.

Табиғат құбылысына Маңғыстау облысының Экология департаменті пікір білдірді. Облыстың бас экологы Руслан Төкеновтің айтуынша, оқиға орнына мамандар жіберілген. Оның айтуынша, судың түсінің өзгеруіне жыл сайынғы құбылыс – қоңыр балдырдың жағаға шығуы әсер еткен.

Ал Кирилл Павловтың Telegram-арнасында хабарлағандай, теңіз жағалауындағы су түсінің өзгеруіне Солдатский жағажайы аймағындағы арнадан қосылған қоңыр түсті лас су себеп болған.

Қазір учаскеде экологтар жұмыс істеп жатыр. Олар су сынамасын алады. Тест нәтижелері кейінірек жарияланады.

Ал «МАЭК-Қазатомөнеркәсіп» ЖШС 1-ЖЭО-дан таза су шығатынын айтып, лас суға қатысты кәсіпорынның кінәсі жоқ екенін мәлімдеді.

Пікірлер