Kaspıı teńizi jaǵalaýyndaǵy sýdyń túsi ózgerip jatyr. Bul týraly kýágerler vıdeoǵa túsirip alǵan, dep habarlaıdy “Adyrna” ulttyq portaly.
Tabıǵat qubylysyna Mańǵystaý oblysynyń Ekologııa departamenti pikir bildirdi. Oblystyń bas ekology Rýslan Tókenovtiń aıtýynsha, oqıǵa ornyna mamandar jiberilgen. Onyń aıtýynsha, sýdyń túsiniń ózgerýine jyl saıynǵy qubylys – qońyr baldyrdyń jaǵaǵa shyǵýy áser etken.
Al Kırıll Pavlovtyń Telegram-arnasynda habarlaǵandaı, teńiz jaǵalaýyndaǵy sý túsiniń ózgerýine Soldatskıı jaǵajaıy aımaǵyndaǵy arnadan qosylǵan qońyr tústi las sý sebep bolǵan.
Qazir ýchaskede ekologtar jumys istep jatyr. Olar sý synamasyn alady. Test nátıjeleri keıinirek jarııalanady.
Al «MAEK-Qazatomónerkásip» JShS 1-JEO-dan taza sý shyǵatynyn aıtyp, las sýǵa qatysty kásiporynnyń kinási joq ekenin málimdedi.
