İzrail men AQŞ Kaspii teŋızı jaǧalauyndaǧy Bandar-Anzali portty qalasyna taǧy da soqqy jasady. Būl turaly «Svobodnyi İran» jazdy, dep habarlaidy «Adyrna» tılşısı.
Şabuyldyŋ maqsaty İran qorǧanys ministrlıgıne baǧynatyn teŋız ortalyǧy bolǧan.
Soqqylar Tamdjidi teŋız ortalyǧyna baǧyttalǧan. Būl ortalyq Teŋız önerkäsıbı ūiymynyŋ qūramyna kıredı jäne äskeri kemelerdı jobalau, öndıru men jöndeumen ainalysatyn negızgı strategiialyq nysan bolyp sanalady.
Būdan aldyn Kaspiidıŋ İran jaǧalauyndaǧy osy strategiialyq ortalyqty İzrail ǧana atqylasa, bügın oǧan AQŞ qosylyp otyr.
19 nauryzda SAHAL İrannyŋ Kaspii teŋızındegı äskeri-teŋız küşterı men port infraqūrylymyna soqqy jasaǧanyn mälımdegen edı. Äue küşterınıŋ joiǧyş ūşaqtary İran äskeri flotynyŋ negızgı nysandaryn nysanaǧa alǧan. «Port infraqūrylymyndaǧy ondaǧan äskeri keme ornalasqan obektılerge soqqy berıldı. Olardyŋ qatarynda zymyrandyq kemeler men küzet katerlerı bar», – delıngen sonda SAHAL taratqan mälımette.
28 aqpannan bastap İzrail men AQŞ İran aumaǧyndaǧy bırqatar nysandarǧa, sonyŋ ışınde Tegeran qalasyna şabuyl jasap keledı. İran prezidentı Masud Pezeşkian eldıŋ energetikalyq jäne strategiialyq infraqūrylymyna jasalǧan şabuyldardy qataŋ aiyptaǧan. Onyŋ aituynşa, mūndai äreketter jaǧdaidy kürdelendırıp, baqylaudan tys saldarǧa äkeluı mümkın jäne onyŋ äserı tek aimaqpen şektelmei, jahandyq deŋgeide sezıluı yqtimal.
