Äzerbaijan ministrlıgı İzrail ükımetınıŋ 1915 jylǧy oqiǧalardy «armian genosidı» retınde tanu turaly şeşımıne alaŋdauşylyq bıldırıp, Tel-Avivtı şeşımdı qaita qarauǧa şaqyrdy, dep habarlaidy "Adyrna" tılşısı.
Vedomstvonyŋ mälımdeuınşe, 1915 jylǧy oqiǧalarǧa qatysty tarihi faktılerdı būrmalau jäne kürdelı tarihi üderısterdı qūqyqtyq ärı ǧylymi negızderden tys saiasi şeşımge ainaldyruǧa jol beruge bolmaidy.
«Mūndai qadamdar tatulasu men özara tüsınıstıktı nyǧaitpaidy. Kerısınşe, qalyptasqan qaişylyqtardy tereŋdetıp, öŋırde tūraqty beibıtşılık pen kelısımdı qamtamasyz etuge baǧyttalǧan küş-jıgerge kedergı keltıredı», – delıngen Äzerbaijan syrtqy ıster ministrlıgınıŋ mälımdemesınde.
Resmi Baku tarihi şyndyqty qorǧau jäne halyqaralyq qūqyq qaǧidattaryn qūrmetteu ūstanymyn aldaǧy uaqytta da däiektı türde jalǧastyratynyn atap öttı.
Sonymen qatar, Türkiia syrtqy ıster ministrlıgı de İzraildıŋ şeşımın qabyldamaitynyn mälımdedı. Resmi Ankara būl şeşımdı «qasaqana jasalǧan qadam» dep baǧalap, ony palestinalyqtarǧa qatysty äreketterge bailanysty aitylyp jatqan aiyptaulardan nazardy basqa jaqqa būru äreketı dep atady.
