Қазақстан Республикасың президенті Нұрсұлтан Назарбаев қазақстандықтарды Тәуелсіздіктің 27 жылдығымен құттықтады.
«Баршаңызды баға жетпес басты мерекеміз - Тәуелсіздік күнімен шын жүректен құттықтаймын! Бұл - қыран құстай еркіндікке ұмтылған халқымыздың ғасырлар бойғы асыл арманы орындалған күн. Тәуелсіздік - жүрегі елім деп соққан әрбір қазақстандық үшін аса қадірлі, айрықша ардақты ұғым. «Адам бақытты өмір сүруі үшін, оның тәуелсіз Отаны болуы қажет» деген даналық сөз бар. Бүкіл халқымыз ақсарбас айтып, егемендік байрағын көкте желбіреткеніне, міне, 27 жыл толып отыр. Осы уақыт ішінде Қазақстан тамырын тереңге жайып, өрісін кеңейтіп, кемелдене түсті», - деді Елбасы.
"Адырна" ұлттық порталы
