Түркиядағы зілзаланың салдарынан бірқатар аудандар мен аймақтардың тұрғындары құтқарушыларға мұқтаж. Түркия ақпарат кеңістігінде Хатай аймағы, Искендурун қаласы тұрғынының жәрдем сұраған видеосы тарады, деп хабарлайды "Адырна" ұлттық порталы.
Видеода Түркия азаматы көмек тобының келмегенін, үйінділер арасында адамдар қалғанын айтады.
- Бірнеше сағат болды. Адамдарды өз күшімізден шығаруға тырысып жатырмыз. Әлі ешқандай көмек күші келмеді... Мүмкіндік болса, таратайықшы. Отбасым аман. Бірақ ғимараттардың сау тамтығы қалмады. Мекенжай: Хатай, Белен, Иайле көшесі, - деді азамат.
Жергілікті халықтың айтуынша, зілзаланың кесірінен байланыс, интернет қызметі нашарлаған.
"Адырна" ұлттық порталы
