Ақ түтек боран: Қостанай облысында жолда қалған 24 адам құтқарылды

2468
Adyrna.kz Telegram

Қостанай облысында күн райының қолайсыздығына байланысты жолда қалған 24 адам құтқарылды, деп хабарлайды "Адырна" ұлттық порталы ҚР ТЖМ баспасөз қызметіне сілтеме көрсете отырып. 

Қостанай облысында әлі де күн райы бұзылып тұр. Наурыз қарлы болды. Жолдарды тазарту жалғасуда, қатты жел жұмысқа кедергі келтіріп тұр. Құтқарушылар бұл күндері күшейтілген режимде жұмыс істейді, қарға кептеліп қалған жүргізушілерге көмектеседі, тоқтап қалған автокөліктерді сүйрейді, азаматтарды елді мекендерге эвакуациялайды.

6 наурызда Қостанай облысы ТЖД бөлімшелері Науырзым, Қамысты, Қарасу аудандарының аумағында 4 авариялық-құтқару операциясын жүргізді. 24 адам құтқарылды, оның ішінде 8 бала бар.

ТЖ салдарын жоюға 10 қызметкер мен 4 бірлік арнайы техника қатысты.

Жергілікті жерлерде барлығы 4 уақытша блок-бекеттердің, ТЖД (жеке құрамнан 4 адам, 2 бірлік техника), ПД (жеке құрамнан 5 адам, 4 бірлік техника) кезекшілігі ұйымдастырылды, 160 орынға 4 жылыту пункті дайындалды. Автокөліктің жиналуы жоқ.

Ауа райының нашарлауына байланысты ескерту жарияланды.

"Адырна" ұлттық порталы 

Пікірлер