Ақтөбеде жоғалып кеткен екі қыз Алматыдан табылды, деп хабарлайды “Адырна” ұлттық порталы.
Наурыздың 14-і күні 19 және 20 жастағы екі қыздың туыстары қыздардың жоғалып кеткені туралы арызбен полицияға жүгінген. Айтуларынша, қыздар үйден шығып, қайтып оралмаған, телефон қоңырауларына жауап бермеген.
"Полиция қызметкерлері жедел іс-шаралар жүргізді, нәтижесінде жоғалған қыздарды Ақтауда көргендерден ақпарат келіп түсті, бірақ қыздарды Ақтаудан табу мүмкін болмады. Екі аптадан кейін екі қыз Алматыдан табылды, олар полиция бөліміне жеткізілді. Қыздар жай ғана серуендеуді кеткендерін және туыстарына ескертпегендерін айтады", - делінген полиция хабарламасында.
