Мемлекет басшысы Қасым-Жомарт Тоқаев Парламент Мәжілісінің жалпы отырысында сөз сөйледі, - деп хабарлайды "Адырна" тілшісі.
Кездесуде Елбасы адами капиталдың сапасын дәйекті және жүйелі түрде арттыру қажеттігін айтты.
«Жайлы мектеп» жобасын тиімді жүзеге асыруды қамтамасыз етіп, ЖОО базасында академиялық шеберлік орталықтарын құруды жалғастыру қажет.
Отандық ғылымды жан-жақты дамыту менің жеке бақылауымда болмақ. Сонымен қатар, денсаулық сақтау саласын сапалы жаңа деңгейге шығару талап етіледі. Ол үшін әлеуметтік медициналық сақтандыру жүйесінің тиімділігін арттыру қажет. Бұл жерде цифрлық шешімдердің көмегімен қаражаттың жұмсалуына бақылауды күшейту өте маңызды», - деді Мемлекет басшысы парламентшілерге сөйлеген сөзінде.
Ол цифрландыру экономиканың барлық салаларын қамтуы, азаматтардың өмірінің барлық саласына енуі керек деп қосты.
«Ол үшін ақпараттық технологиялар нарығын барынша ырықтандыру қажет», - деп түйіндеді Қасым-Жомарт Тоқаев.
