"Біз Украинаға қарсы агрессиясын жалғастыру үшін Ресейдің қайдан тапса, одан тапсын, қару сатып алуды қажетсінетіндігін көреміз", - деді Блинкен.
Блинкен тек Солтүстік Корея ғана емес, сонымен бірге Ресейдің "Азаматтық инфрақұрылымды бұзу және Украинадағы бейбіт тұрғындарды өлтіру" үшін Иранмен одақтасқанын атап өтті. "Ресейге көптеген ұшқышсыз ұшақтарды жеткізген" Иранды сынға алды.
Орайы келгенде айта кетейік, бірнеше күн бұрын, 26 шілдеде, Шойгу Корея соғысының аяқталғанына 70 жыл толуына орай Солтүстік Кореяға келді. Коронавирустық пандемия кезінен бастап Пхеньянға алғашқы ресми сапары барысында ол КХДР көшбасшысы Ким Жен Ынмен кездесті.
Солтүстік Корея о бастан Ресей саясатын қолдап келеді, америкалық барлау мәліметтері бойынша Ресейге қару-жарақ жеткізді. Дегенмен "мұртын балта шаппайтын" Пхеньян бұл айыптауларды жоққа шығарады.
"Адырна" ұлттық порталы
