Ресей Сыртқы істер министрі Сергей Лавров Иранның ядролық қару жасау жоспары жоқ екенін айтып, Ислам революциясы жетекшісінің мұндай қаруды иеленуге тыйым салатын пәтуасын қуаттады. Бұл туралы ТАСС ақпарат агенттігі жариялады, деп хабарлайды “Адырна” ұлттық порталы.
“Ешкім әлемде жаңа ядролық державалардың пайда болуын қаламайды және Мәскеу Иранның ядролық қаруы болмағандықтан, Сауд Арабиясының да оны алуға азғырмайтынына сенеді”, деп мәлімдеді Ресей сыртқы істер министрі Сергей Лавров БҰҰ Бас ассамблеясының 78-ші сессия аясында өткен баспасөз мәслихатында.
Хабарламаға сәйкес, Лавров бұл пікірін Сауд Арабиясының тақ мұрагері Мұхаммед бен Салманның америкалық FOX News телеарнасына берген сұхбатында соңғы сөздеріне түсініктеме беру туралы өтінішіне жауап ретінде айтқан.
"Ешкім әлемде бұдан да көп ядролық елдердің пайда болуын қаламайды. Иран Ислам Республикасы мұндай жоспарлары жоқ екенін бірнеше рет растады. Олардың рухани көшбасшысы тіпті бұл мәселеге қатысты пәтуа шығарды", - деп атап өтті ресейлік дипломат. «Сондықтан біз олардың ядролық бомбасы болмағандықтан, Иранның көршілері бұл жолмен жүруге азғырмайды деп сенеміз», - деп қосты ол.
Сауд Арабиясының тақ мұрагері америкалық Fox News арнасына берген сұхбатында Эр-Риядтың «кез келген елдің ядролық қаруға ие болуына алаңдайтынын және бұл жаман қадам» екенін атап өтті.
