Қалада жауған нөсер жауын салдарынан Қарағанды көшелерін су басты, - деп хабарлайды "Адырна" тілшісі.
Әлеуметтік желілерде Қарағандыдағы нөсерлі жауыннан көшелерді су басқанын, халық жүре алмай, көліктердің қайыққа ұқсап жүзіп жүргенін байқауға болады. Тұрғындар тіпті көшеде тізеге дейінгі суда жүруге мәжбүр.
Тараған видеолардың барлығына әлеуметтік желі қолданушылары пікір қалдырады. Қала тұрғындарын жағдайдың осымен бірнеше рет қайталануы және оған әкімдіктің дайын болмауы ашуландырды:
«Қарағандыда үнемі осылай болды ма, әлде бұрын Кеңес Одағы кезінде мұндай жаңбыр жаумаған немесе қатты дауыл болған жоқ па?"
"Жаңбырлы ауа-райында бүкіл қалалық басқару жүйесінің көрінісін көруге болады"
"Нөсерлі топан суды жобалай алатын мамандар жоқ... Немесе оны қалпына келтіретін адам жоқ"
"Әкімдердің қайда екенін білетіндер бар ма? Бізде олардың үшеуі бар! Облыстық, қалалық және аудандық!
Олар әлі кеткен жоқ, су біткенше кабинеттерінде отырады», – деп жазды желі қолданушылары.
"Адырна" ұлттық порталы
