Синоптиктер Қазақстанда 7-9 желтоқсанда ауа райы қандай болатыны туралы болжам жасады, - деп хабарлайды "Адырна" тілшісі.
Метеорологтардың мәліметінше, республиканың басым бөлігінде суық солтүстік-батыс антициклонының басып кіруімен жауын-шашынның тоқтауы және ауа температурасының күрт төмендеуі күтілуде, Қазақстанның шығыс және оңтүстік облыстарында ғана жауын-шашын сақталады (жаңбыр, қар).
«Түнде ауа температурасы батыста 10-20 градус аязға дейін, солтүстік-батыста және солтүстікте 28-38 градусқа дейін, республиканың қиыр солтүстігінде 42 градусқа дейін, орталықта және шығыста 42 градусқа дейін төмендейді. Республиканың барлық аумағында тұман түсіп, елдің оңтүстік жартысында желдің күшеюі күтіледі», - делінген хабарламада.
