Қостанайда жүк автомобильдерін жөндеуге арналған бір қабатты ғимарат жарылып, адамдар үйінді астында қалды. Бір адам көз жұмды. Бұл жөнінде облыстық төтенше жағдайлар департаментінің баспасөз қызметі растады, деп хабарлайды “Адырна” ұлттық порталы.
«Алғашқы медициналық көмекке 12 адам жүгінді. Құтқару жұмыстары кезінде үйінді астынан екі адам құтқарылды, тағы бір адамның денесі табылды. Марқұмның кім екені анықталды. Іздеу жұмыстары әлі жүріп жатыр», - дейді ведомстводағылар.
11 желтоқсан 12:36 шамасында Энергетиктер көшесі, 1 мекен-жайында газ-ауа қоспасы жарылып, адамдар үйіндінің астында қалған.
