Құрамында түрік астронавты Альпер Гезеравжы бар Axiom-3 экипажымен Dragon ғарыш кемесі жерге оралу күні Флорида жағалауындағы қолайсыз ауа райына байланысты 5 ақпанға шегерілді, деп хабарлайды “Адырна” ұлттық порталы Анадолу сайтына сілтеме тастап.
Бұл туралы X әлеуметтік желісінде жарияланған SpaceX хабарламасында айтылған.
“Dragon ғарыш кемесі мен Ax-3 экипажы Флорида жағалауындағы қолайсыз ауа райы жағдайына байланысты 5 ақпанға дейін Халықаралық ғарыш станциясынан (ХҒС) кетпейді”, - делінген хабарламада.
Сарапшылар экипаждың ХҒС-тан кету жоспарына байланысты ауа райы жағдайын бақылауды жалғастырады.
Айта кетейік, өткен айдағы жоспар бойынша лайнер ғарышқа 18 қаңтарға қараған түні ұшырылуы керек еді. Кейінірек ұшу уақыты өзгеріп, ғарыш кемесі 19 қаңтарда ұшырылды. SpaceX компаниясының айтуынша, кемедегі тексерулер мен деректерді қосымша талдау үшін қосымша уақыт қажет болған.
“Адырна” ұлттық порталы
