Quramynda túrik astronavty Alper Gezeravjy bar Axiom-3 ekıpajymen Dragon ǵarysh kemesi jerge oralý kúni Florıda jaǵalaýyndaǵy qolaısyz aýa raıyna baılanysty 5 aqpanǵa shegerildi, dep habarlaıdy “Adyrna” ulttyq portaly Anadolý saıtyna silteme tastap.
Bul týraly X áleýmettik jelisinde jarııalanǵan SpaceX habarlamasynda aıtylǵan.
“Dragon ǵarysh kemesi men Ax-3 ekıpajy Florıda jaǵalaýyndaǵy qolaısyz aýa raıy jaǵdaıyna baılanysty 5 aqpanǵa deıin Halyqaralyq ǵarysh stanııasynan (HǴS) ketpeıdi”, - delingen habarlamada.
Sarapshylar ekıpajdyń HǴS-tan ketý josparyna baılanysty aýa raıy jaǵdaıyn baqylaýdy jalǵastyrady.
Aıta keteıik, ótken aıdaǵy jospar boıynsha laıner ǵaryshqa 18 qańtarǵa qaraǵan túni ushyrylýy kerek edi. Keıinirek ushý ýaqyty ózgerip, ǵarysh kemesi 19 qańtarda ushyryldy. SpaceX kompanııasynyń aıtýynsha, kemedegi tekserýler men derekterdi qosymsha taldaý úshin qosymsha ýaqyt qajet bolǵan.
“Adyrna” ulttyq portaly
