«Аманат» партиясы Қазақстанның жаңа премьер-министрінің кандидатурасын ұсынады, деп хабарлайды “Адырна” ұлттық порталы президенттің баспасөз хатшысы Берік Уәлидің хабарына сілтеп.
«Конституциямызға сәйкес президент Қасым-Жомарт Тоқаев биліктегі «Аманат» саяси партиясы ұсынған кандидатураны қарайды», - деді Берік Уәли.
Тоқаев мақұлдаса, ол кандидатураны Мәжілістің қарауына жібереді. Мәжіліс келіссе, жаңа премьер-министрді тағайындайды. Одан кейін үкіметті жасақтау басталады.
Естеріңізге сала кетейік, 7 ақпанда Қасым-Жомарт Тоқаевтың төрағалығымен Үкіметтің кеңейтілген отырысы өтеді.
