Алматыда фельдшерлер қоқыс арасынан бала тауып алды, деп хабарлайды "Адырна" тілшісі.
Үйілген қоқыс арасында бала жалғыз жүрген.
"Алматы облысының жедел жәрдем қызметкерлері түнгі 22:00 шамасында қоқыс маңында жалғыз жүрген 2-3 жасар баланы байқаған. Қатты суықта тоңып жылаған бүлдіршінді дәрігерлер дереу жылы киіндіріп, көлікке отырғызды", – делінген жазбада.
Табылған баланың ісіне қатысты полиция шақырылған.
Артынша бүлдіршін анасына табысталды. Баланың денсаулығына ешқандай қауіп төніп тұрған жоғы айтылды.