Мақсат Толықбай - ең қымбат тележүргізуші

9489
Adyrna.kz Telegram

Танымал тележүргізуші Мақсат Толықбай Алматыдан Нұр-Сұлтанға қызмет ауыстырды. "Еуразия Бірінші арнасының "Басты жаңалықтарын" енді Мақсат жүргізетін болады.

Мақсат көпшілікке 31 арнадағы" "Информбюро" арқылы танылып, еліміздегі танымал тележүргізушілердің қатарына қосылды.  Көрерменнің көзайымына айналған, толымды ойларымен танылған Толықбайды "Еуразия Бірінші арнасы" өз қатарына тартып,  қоғамдағы көптің көкейіндегі сауалдарға Ринат Зайытов екеуі жауап іздеген болатын. "Бір сұрақ" қоғамдық-саяси ток-шоуын да сауатты жүргізген Мақсатты телеарна басшылығы Нұр-Сұлтанға шақырыпты.

Мақсаттың өзіне қоңырау шалғанымызда бұл ақпаратты растады. "Әзірге, орналасып, ұжыммен танысып жатырмын. Екі-үш күнде эфирге де шығып қаламын деп жауап берді.

-Жаңа қызметіңіз арқылы еліміздегі ең қымбат тележүргізушілердің көшін Сіз бастап жатыр  деп естіп жатырмыз?

- Солай деуге де болатын шығар деп, сыпайылық танытқан Толықбай жалақысын құпия қалдырды.

Пікірлер