Tanymal telejúrgizýshi Maqsat Tolyqbaı Almatydan Nur-Sultanǵa qyzmet aýystyrdy. "Eýrazııa Birinshi arnasynyń "Basty jańalyqtaryn" endi Maqsat júrgizetin bolady.
Maqsat kópshilikke 31 arnadaǵy" "Informbıýro" arqyly tanylyp, elimizdegi tanymal telejúrgizýshilerdiń qataryna qosyldy. Kórermenniń kózaıymyna aınalǵan, tolymdy oılarymen tanylǵan Tolyqbaıdy "Eýrazııa Birinshi arnasy" óz qataryna tartyp, qoǵamdaǵy kóptiń kókeıindegi saýaldarǵa Rınat Zaıytov ekeýi jaýap izdegen bolatyn. "Bir suraq" qoǵamdyq-saıası tok-shoýyn da saýatty júrgizgen Maqsatty telearna basshylyǵy Nur-Sultanǵa shaqyrypty.
Maqsattyń ózine qońyraý shalǵanymyzda bul aqparatty rastady. "Ázirge, ornalasyp, ujymmen tanysyp jatyrmyn. Eki-úsh kúnde efırge de shyǵyp qalamyn dep jaýap berdi.
-Jańa qyzmetińiz arqyly elimizdegi eń qymbat telejúrgizýshilerdiń kóshin Siz bastap jatyr dep estip jatyrmyz?
- Solaı deýge de bolatyn shyǵar dep, sypaıylyq tanytqan Tolyqbaı jalaqysyn qupııa qaldyrdy.
