Reseıde qazaq mektepteri qashan salynady? Bul suraqqa Úkimette baspasóz máslıhatyn ótkizgen oqý-aǵartý mınıstri Ǵanı Beısembaev jaýap berdi, dep habarlaıdy “Adyrna” ulttyq portaly.
«Basty maqsat — qazaq baýyrlarymyz kóp shoǵyrlanǵan jerlerde mektep soǵý. Bul birshama ýaqyt alady. Óıtkeni kelisimshartqa qol qoıý, odan keıin onyń qarjysyn sheshý, ol mekteptiń qurylysyn, qandaı bolatynyn anyqtaý birshama ýaqytty qajet etedi», — dedi ol.
Esterińizge sala keteıik, Reseı prezıdenti Vladımır Pýtın Qazaqstannyń ońtústik aımaqtarynda orys mektepteri ashylatynyn birneshe ret aıtty. Ol Reseıde ashylatyn qazaq mektepteri týraly múldem sóz qozǵamady.
