2021 жылғы 1 қаңтардан бастап жалақының ең төмен мөлшерi – 42 500 теңге, ал мемлекеттік базалық зейнетақы төлемінің ең төмен мөлшері – 18 524 теңге болады, деп хабарлайды «Адырна» тілшісі.
«Зейнетақының ең төмен мөлшерi – 42 272 теңге; жәрдемақыларды және өзге де әлеуметтiк төлемдердi есептеу, сондай-ақ Қазақстан Республикасының заңнамасына сәйкес айыппұл санкцияларын, салықтарды және басқа да төлемдердi қолдану үшiн айлық есептiк көрсеткiш – 2 917 теңге; базалық әлеуметтiк төлемдердiң мөлшерлерiн есептеу үшiн ең төмен күнкөрiс деңгейiнiң шамасы – 34 302 теңге болып белгiленсiн», - делінген заң жобасында.
Сондай-ақ, 2021 жылдың 1 қаңтарынан бастап зейнетақы 7 пайызға өсті.
«Адырна» ұлттық порталы
