Түркістанда әйел бір жасар баласын 7 млн теңгеге сатпақшы болған жерінде ұсталды, деп хабарлайды «Адырна» ұлттық порталы Orda.kz сайтына сілтеме жасап.
Түркістан қалалық прокуратураның мәліметінше, 27 жастағы ана қазіргі таңда қамауға алынған. Қазір тергеу амалдары жүргізіліп жатыр.
«Осы материал бойынша сол күні Түркістан қалалық полиция басқармасы Қылмыстық кодекстің 135-бабы бойынша сотқа дейінгі тергеп тексеру амалдарын бастады. 1994 жылы туған күдікті әйел өзінің 2020 жылы туған баласын сату және 7 млн теңге көлемінде ақша алу кезінде қолға түсті», – делінген хабарламада.
"Адырна" ұлттық порталы
