باتىس قازاقستان وبلىسىنىڭ اكىمى عالي ەسقاليەۆ جولداعى جىلدامدىق اسىرا ايداپ، ەرەجە بۇزعانداردىڭ ايىپپۇلىنىڭ ءبىر بولىگىن جول قوزعالىسى قاۋىپسىزدىگىن ارتتىرۋعا جۇمساۋ جوسپارلانىپ وتىرعانىن ايتتى. ايماق باسشىسى حالىقتى وسى قورلاردى يگەرۋ بويىنشا ۇسىنىستارىن جولداۋعا شاقىردى، - دەپ حابارلايدى Tengrinews.kz .
بقو اكىمى Facebook الەۋمەتتىك جەلىسىندە "جول قاۋىپسىزدىگى. قاتىسۋ بيۋدجەتى" اتتى جازبا جاريالادى.
"ورال قالاسىنىڭ جولدارىنا بەينەكامەرالار قوسىلعاننان كەيىن جىلدامدىقتى بۇزعانى ءۇشىن شامامەن 200 ميلليون تەڭگە ءوندىرىلدى. ايىپپۇل سالۋ جەرگىلىكتى بيۋدجەتتى تولتىرۋ ءۇشىن جاسالمادى. قۇقىق بۇزۋشىلىقتاردى ادام فاكتورىنىڭ ارالاسۋىنسىز تۇزەتۋ جول-كولىك وقيعالارىنىڭ سانىن ازايتۋى مۇمكىن، دەمەك، وبلىس جولدارىندا ءبىزدىڭ تۇرعىنداردىڭ ومىرىنە، دەنساۋلىعىنا جانە مۇلكىنە دەگەن قاۋىپ تە سەيىلەدى»، - دەدى عالي ەسقاليەۆ.
باسىلىم جينالعان قاراجات وڭىردەگى كوپتەگەن الەۋمەتتىك ماسەلەلەردى شەشۋگە، ءبىرىنشى كەزەكتە جول قاۋىپسىزدىگىن جاقسارتۋعا جۇمسالاتىنىن اتاپ ءوتتى.
"وبلىس تۇرعىندارىنىڭ جاڭا قىزىقتى ۇسىنىستارىنا 100 ميلليون تەڭگەگە دەيىن ءبولۋدى ۇسىنامىن. ناقتى ۇسىنىستارىڭىزدى تۇسىنىكتەمەلەردە قالدىرىڭىز، ول جاقىن ارادا جول قوزعالىسى قاۋىپسىزدىگىنە ارنالعان كەڭەستە قارالادى. بارلىق سىندارلى ۇسىنىستار داۋىسقا سالىنادى»، - دەدى بقو اكىمى.
"ادىرنا" ۇلتتىق پورتالى
