Batys Qazaqstan oblysynyń ákimi Ǵalı Esqalıev joldaǵy jyldamdyq asyra aıdap, ereje buzǵandardyń aıyppulynyń bir bóligin jol qozǵalysy qaýipsizdigin arttyrýǵa jumsaý josparlanyp otyrǵanyn aıtty. Aımaq basshysy halyqty osy qorlardy ıgerý boıynsha usynystaryn joldaýǵa shaqyrdy, - dep habarlaıdy Tengrinews.kz .
BQO ákimi Facebook áleýmettik jelisinde "Jol qaýipsizdigi. Qatysý bıýdjeti" atty jazba jarııalady.
"Oral qalasynyń joldaryna beınekameralar qosylǵannan keıin jyldamdyqty buzǵany úshin shamamen 200 mıllıon teńge óndirildi. Aıyppul salý jergilikti bıýdjetti toltyrý úshin jasalmady. Quqyq buzýshylyqtardy adam faktorynyń aralasýynsyz túzetý jol-kólik oqıǵalarynyń sanyn azaıtýy múmkin, demek, oblys joldarynda bizdiń turǵyndardyń ómirine, densaýlyǵyna jáne múlkine degen qaýip te seıiledi», - dedi Ǵalı Esqalıev.
Basylym jınalǵan qarajat óńirdegi kóptegen áleýmettik máselelerdi sheshýge, birinshi kezekte jol qaýipsizdigin jaqsartýǵa jumsalatynyn atap ótti.
"Oblys turǵyndarynyń jańa qyzyqty usynystaryna 100 mıllıon teńgege deıin bólýdi usynamyn. Naqty usynystaryńyzdy túsiniktemelerde qaldyryńyz, ol jaqyn arada jol qozǵalysy qaýipsizdigine arnalǵan keńeste qaralady. Barlyq syndarly usynystar daýysqa salynady», - dedi BQO ákimi.
"Adyrna" ulttyq portaly
