اقش ساراپشىسى توماس فريدمان The New York Timesقا ۋكراينا-رەسەي سوعىسىنا قاتىستى ءوز بولجامىن جازىپتى. ول سوعىستىڭ اياقتالۋىنا قاتىستى ءۇش ستسەناري كەلتىرگەن.
ءبىرىنشى ستسەناري:
ساراپشىنىڭ ويىنشا ەگەر باتىس رەسەيدى توقتاتا الماسا، وندا ماسكەۋ ۋكراينانى ەل رەتىندە تولىق جويادى. ونىڭ سوڭى ەۋروپا ەكىنشى جاھاندىق سوعىستان كەيىن كورمەگەن گەنوتسيدكە اكەلۋى مۇمكىن. رەسەي نەوناتسيزمدى جويامىز دەگەن جالعان ۇرانمەن ۋكراينانىڭ جۇزدەگەن مىڭ اسكەرى مەن ەرلەرىن سوتتايدى، اتادى جانە قۋدالايدى.
ول قولىنا يادرولىق قارۋ ۇستاعان پۋتين بيلىگى ماسشتابتى قىلمىستارعا ويلانباستان باراتىنىن ايتادى. ال 11 ساعاتتىق بەلدەۋى بار رەسەي حالقى ءۇنسىز وتىرادى دەگەن ويدا.
ەكىنشى ستسەناري:
ەكونوميكالىق سانكتسيالار رەسەيدى تىعىرىققا تتىرەپ، رەسەي كەلىسىم ۇسىنا باستايدى. رەسەي ىسكەرىن شىعارۋ مەن سوعىستى توقتاتۋعا كەلىسەدى، ەسەسىنە باتىس سالىنعان سانكتسيالاردى الىپ تاستايدى. الاياد بۇل جولدى قاسارىسقان پۋتين تاڭداۋى ەكىتالاي دەيدى ساراپشى، سەبەبى بۇل قادام ءپۋتيننىڭ ۋكراينادان جەڭىلىسى ىسپەتتەس قابىلداناتىن بولادى.
ءۇشىنشى ستسەناري:
ەڭ سوڭعى ستسەناري رەتىندە، رەسەي حالقى كوتەرىلىپ، پۋتين رەجيمىن توڭكەرىپ تاستاۋى مۇمكىن ەكەنىن ايتادى. الايدا سوڭعى ميتينگتەردىڭ سيپاتىنا قاراپ، قانداي دا ءبىر ناتيجە شىعارىنا سەنىم ارتۋعا بولمايدى دەيدى.
رەجيمدى توڭكەرۋگە قالتالى ازاماتتار مەن سىرتتا قارجىسى بۇعاتتالعان وليگارحتار جانە اسكەري ماماندار قاتىسسا عانا، شىنايى ناتيجە بولادى دەيدى ول.
"ادىرنا" ۇلتتىق پورتالى
