«شۇعىلا» ىقشام اۋدانى، بايتەلى باتىر كوشەسى، 24-ءۇي بويىندا سالىنىپ جاتقان كوپقاباتتى تۇرعىن ءۇي كەشەنىنىڭ توڭىرەگىندە قالا اكىمدىگىنىڭ «ART-TECHNOSS» جشس-مەن سوتتاسۋى وتكەن جازدان بەرى سوزىلدى. ناتيجەسىندە سالىنىپ جاتقان عيماراتتى بۇزۋعا بۇيرىق بەرىلدى، دەپ حابارلايدى "ادىرنا" ۇلتتىق پورتالى.
ازاماتتاردىڭ ءوتىنىشى بويىنشا سوت ءىسىن جۇرگىزۋگە دەيىن قالا قۇرىلىسىن باقىلاۋ بولىمىمەن تەكسەرۋ جۇرگىزىلىپ، ساۋلەت، قالا قۇرىلىسى جانە قۇرىلىس قىزمەتى سالاسىندا بىرقاتار زاڭ بۇزۋشىلىقتار انىقتالىپ، اكىمشىلىك حاتتامالار جاسالدى. مۇنىڭ بارلىعى سوتقا جولداندى، بىراق 2021 جىلدىڭ 9 جەلتوقسانىندا سوت تالاپ ارىزدى قاناعاتتاندىرۋسىز قالدىردى. بىراق اپەللياتسيالىق شاعىم قارالىپ، تالاپ ورىندالدى.
"ادىرنا" ۇلتتىق پورتالى
