جەلى قولدانۋشىلارى قازاقستاندىق اكتريسا ءارى بلوگەر اسەل اسقاردىڭ زورلانعان قىزدار تۋرالى مالىمدەمەسىن تالقىلاپ جاتىر، دەپ حابارلايدى "ادىرنا" ۇلتتىق پورتالى.
تاراعان ۆيدەودا بلوگەردىڭ ونلاين كۋرسىنان ءۇزىندى كورسەتىلگەن. بەينەجازبادا ول ءجابىر كورگەن كىشكەنتاي قىزداردىڭ «جىنىستىق قۋاتى ارتىپ كەتكەنىن» ايتادى.
«سەبەبى ولار وسى جاستا-اق ەركەكتەردى وزىنە تارتاتىن»، - دەيدى ۆيدەودا اسەل اسقار.
وقىرماندار ميلليونعا جۋىق جازىلۋشىسى بار بلوگەردىڭ مۇنداي مالىمدەمەسىن جاقتىرمادى.
الايدا، اسەل اسقاردىڭ ءوزى Instagram جەلىسىندەگى پاراقشاسىندا بۇل ءسوز تىركەسىنىڭ كونتەكستەن الىنىپ تاستالعانىن، ونىڭ نە تۋرالى ايتىپ تۇرعانىن ءتۇسىنۋ ءۇشىن بەينەروليكتى تولىق كورۋ كەرەكتىگىن ءتۇسىندىردى.
"ادىرنا" ۇلتتىق پورتالى
