ارمەنياداعى وپپوزيتسيالىق "ەلك" ساياسي بلوگىنىڭ جەتەكشىسى نيكول ءپاشينياننىڭ جاقتاستارى 2 مامىر كۇنى تاڭەرتەڭ ەرەۆان مەن باسقا دا قالالاردا ازاماتتىق باعىنباۋ اكتسيالارىن جالعاستىردى. 1 مامىردا پارلامەنتتە پرەمەر-ءمينيستردى سايلاۋ ءۇشىن وتكەن داۋىس بەرۋدە دەپۋتاتتاردىڭ جارتىسىنان كوبى پاشينيانعا قارسى داۋىس بەرگەن. بۇدان سوڭ حالىق الدىندا سويلەگەن پاشينيان ارمەنيا ازاماتتارىن ازاماتتىق باعىنباۋ اكتسيالارىن جالعاستىرۋعا، كوشەلەردى، مەترو مەن تەمىرجولدى، اۋەجايدى، رەسپۋبليكالىق ماڭىزى بار جولداردى جابۋعا شاقىرعان. ول سونىمەن قاتار جوعارى وقۋ ورىندارىندا، كاسىپورىندار مەن مەملەكەتتىك مەكەمەلەردە دە شەرۋگە شىعۋعا شاقىرعان.
بۇگىن تاڭەرتەڭنەن باستاپ ءبىر توپ ازامات "زۆارتنوتس" اۋەجايىنا بارار جولدى جاپتى. وقيعا ورنىنا پوليتسەيلەر بارىپ، جاعداي شيەلەنىسە ءتۇستى.
ەرەۆاننىڭ باسقا بولىكتەرىندە دە ازاماتتىق باعىنباۋ اكتسيالارى ءوتىپ جاتىر. شەرۋگە قالاداعى ستۋدەنتتەردىڭ ءبىرازى قوسىلعان.
_______________________________________________________________________________________________________________
azattyq.org
