ارمەنيا يراننىڭ ناحچىۆان اۆتونوميالىق رەسپۋبليكاسى اۋماعىنا جاساعان دروندىق شابۋىلىنا بايلانىستى الاڭداۋشىلىق ءبىلدىردى، دەپ حابارلايدى "ادىرنا" ۇلتتىق پورتالى.
ازەربايجان سىرتقى ىستەر مينيسترلىگىنىڭ مالىمەتىنشە، مينيستر دجەيحۋن بايراموۆ پەن ارمەنيانىڭ سىرتقى ىستەر ءمينيسترى ارارات ميرزويان تەلەفون ارقىلى سويلەسكەن.
اڭگىمە بارىسىندا تاراپتار ايماقتاعى سوڭعى جاعدايلار جونىندە پىكىر الماسىپ، قالىپتاسقان احۋالعا الاڭداۋشىلىق ءبىلدىردى. مينيسترلەر شيەلەنىستى ودان ءارى كۇشەيتۋى مۇمكىن ارەكەتتەردەن باس تارتۋدىڭ جانە وڭىردەگى تۇراقتىلىق پەن قاۋىپسىزدىكتى ساقتاۋدىڭ ماڭىزىن اتاپ ءوتتى.
سونىمەن قاتار دجەيحۋن بايراموۆ ارميان ارىپتەسىنە 5 ناۋرىز كۇنى يران دروندارىنىڭ ناحچىۆانعا جاساعان شابۋىلى تۋرالى اقپارات بەرگەن. شابۋىل سالدارىنان ازاماتتىق ينفراقۇرىلىمعا زيان كەلىپ، بەيبىت تۇرعىندار زارداپ شەككەن.
