مەكتەپ تۇلەكتەرىنە قاتىستى ەرەجەلەرگە وزگەرىس ەنگىزىلدى

ايماعامبەتوۆ تالاپتاردى كۇشەيتۋ تۋرالى شەشىم مۇعالىمدەردىڭ 2021 جىلعى تامىز كەڭەسىندە قابىلدانعانىن ەسكە سالدى.

"وسىلايشا، كەلەسى جىلدان باستاپ 9-سىنىپتى اياقتاپ، ارنايى اتتەستات جانە 10-11 سىنىپتاردىڭ بارلىق وقۋ توقسانى بويىنشا "ۇزدىك" دەگەن باعا العان وقۋشىلار "التىن بەلگى" توسبەلگىسىنە ۇمىتكەر بولا الادى. سونداي-اق، تالاپكەرلەر نزم بازاسىندا ماتەماتيكادان ەمتيحان تاپسىرۋى كەرەك. بۇل شارا اكادەميالىق ادالدىقتى قامتاماسىز ەتۋ ءۇشىن قابىلدانعانىن ءتۇسىنۋ ماڭىزدى. بۇل رەتتە نزم-دە ەمتيحان تاپسىراتىندارعا دا، جالپى ءبىلىم بەرەتىن مەكتەپ بازاسىندا تاپسىراتىندارعا دا تاپسىرمالار بىردەي بولادى", - دەپ جازدى مينيستر.

بىلتىر "التىن بەلگى" العاندار سانى رەكوردتىق كورسەتكىشكە جەتكەن ەدى. اسحات ايماعامبەتوۆ ولاردىڭ كەيبىرىندە ۇبت ناتيجەسى تومەن بولعانىن جازدى.

"وسىعان بايلانىستى ۇمىتكەرلەردى ۇزدىك بەلگىسىنە وبەكتيۆتى جانە اشىق باعالاۋ ءۇشىن ەمتيحانداردىڭ ءبىرى تاۋەلسىز ءبىلىم بەرۋ ۇيىمىندا وتەدى. بيىل مەكتەپ بىتىرۋشىلەر ەمتيحاندى ءوز مەكتەبىندە تاپسىرادى. سونداي-اق بەلگىدەن باس تارتۋ تۋرالى وتىنىشتەر جارامسىز. تالاپتارعا ساي كەلەتىن ۇمىتكەرلەر بەلگىلەنگەن تارتىپتە قورىتىندى اتتەستاتسيادان وتەدى", - دەدى ول.

نورمالار كەلەسى جىلدان باستاپ كۇشىنە ەنەدى, الايدا بيىل ۇبت قورىتىندىسى بويىنشا بۇل بەلگىنى بەرۋدىڭ وبەكتيۆتىلىگى باعالانادى. ۇبت-2022: جاڭا ەرەجەلەر قانداي؟ وسىعان بايلانىستى مەكتەپ اكىمشىلىگى، ءبىلىم باسقارمالارى مەن بولىمدەرى قورىتىندى ەمتيحاندارىنىڭ اشىقتىعى مەن وبەكتيۆتىلىگىن قامتاماسىز ەتۋى ءتيىس ەكەنى ايتىلدى. ءاربىر جاعداي بويىنشا ۇبت ناتيجەلەرىنىڭ قورىتىندىلارىنا تالداۋ جۇرگىزىلەدى. بۇيرىقتىڭ ءماتىنى قر ادىلەت مينيسترلىگىندە تىركەلگەننەن كەيىن جاريالانادى.

”ادىرنا” ۇلتتىق پورتالى