بەلگىلى ءانشى سايات مەدەۋوۆ Facebook-پاراقشاسىندا ارىپتەستەرىن سىناپ جازبا جاريالادى، دەپ حابارلايدى “ادىرنا” ۇلتتىق پورتالى.
ونەر يەسى كەيبىر ارىپتەستەرىنىڭ الەۋمەتتىك جەلىدە جاريالاعان جازبالارىنا كوڭىلى تولمايتىنىن ايتتى.
ء"بىر كەزدەرى شەگىرتكە دەپ كەمسىتكەندە، ورە تۇرەگەلىپ ايعاي سالدىق. ال، مەنىڭ ونەردەگى كەيبىر ارىپتەسسىماقتارىمنىڭ ىستەپ جۇرگەنىنە قاراسام، ەندى شەگىرتكە بولماعاندا نە بولدىق دەگەن وي كەلەدى. قاتارىمداعى جاسى ەلۋگە تاياپ قالعان كەيبىر باۋىرلارىمنىڭ قىلىعى قارىندى اشتىرادى. ىربىڭ-جىربىڭ، تۇككە تۇرعىسىز اڭگىمە، اۋزىنان اق يت كىرىپ، كوك يت شىققان بىلاپىت ءسوز. ەلۋدە ەل اعاسى بولىپ باتا بەرەتىن جاسقا كەلدىڭدەر عوي. بۇگىنگى قۇلقىننىڭ قۇلى ءۇشىن سايقىمازاق بولىپ جۇرگەندەرىڭدى ەرتەڭ قارتايعاندا نەمەرە-شوبەرەڭە قالاي تۇسىندىرەسىڭ؟ قاي بەتىڭمەن ولارعا اقىل ايتاسىڭ؟ ولار سايقىمازاق، اۋزىنىڭ دۋاسى جوق شالدى تىڭداي ما؟ "اتان تۇيە قۇتىرسا جۇت بولادى"- دەيدى ءانشى.
ءانشى مينيسترلىك تاراپىنان الەۋمەتتىك جەلىگە جاريالانعان ءاربىر جازبا ءجىتى قاداعالاناتىنداي زاڭ قابىلدانۋى كەرەگىن ايتتى.
"بۇگىن تانىمال بولۋدىڭ ەڭ وڭاي جولىن تاڭداعانمەن، ەرتەڭگى كۇنىمىزدى نەگە ويلامايمىز؟ قۇرمەتتى پرەزيدەنت مىرزا جانە دەپۋتاتتار، ۇرپاقتىڭ بولاشاعىن ويلاساق، قازاقى قۇندىلىقتارى ساقتالعان ۇلت بولامىز دەسەك، بۇگىنگى بەتىمەن كەتكەن الەۋمەتتىك جەلىنى رەتكە كەلتىرۋ كەرەك", - دەلىنگەن جازبادا.
”ادىرنا” ۇلتتىق پورتالى
