Belgılı änşı Saiat Medeuov Facebook-paraqşasynda ärıptesterın synap jazba jariialady, dep habarlaidy “Adyrna” ūlttyq portaly.
Öner iesı keibır ärıptesterınıŋ äleumettık jelıde jariialaǧan jazbalaryna köŋılı tolmaitynyn aitty.
"Bır kezderı şegırtke dep kemsıtkende, öre türegelıp aiǧai saldyq. Al, menıŋ önerdegı keibır ärıptessymaqtarymnyŋ ıstep jürgenıne qarasam, endı şegırtke bolmaǧanda ne boldyq degen oi keledı. Qatarymdaǧy jasy eluge taiap qalǧan keibır bauyrlarymnyŋ qylyǧy qaryndy aştyrady. Yrbyŋ-jyrbyŋ, tükke tūrǧysyz äŋgıme, auzynan aq it kırıp, kök it şyqqan bylapyt söz. Elude el aǧasy bolyp bata beretın jasqa keldıŋder ǧoi. Bügıngı qūlqynnyŋ qūly üşın saiqymazaq bolyp jürgenderıŋdı erteŋ qartaiǧanda nemere-şöbereŋe qalai tüsındıresıŋ? Qai betıŋmen olarǧa aqyl aitasyŋ? Olar saiqymazaq, auzynyŋ duasy joq şaldy tyŋdai ma? "Atan tüie qūtyrsa jūt bolady"- deidı änşı.
Änşı ministrlık tarapynan äleumettık jelıge jariialanǧan ärbır jazba jıtı qadaǧalanatyndai zaŋ qabyldanuy keregın aitty.
"Bügın tanymal boludyŋ eŋ oŋai jolyn taŋdaǧanmen, erteŋgı künımızdı nege oilamaimyz? Qūrmettı prezident myrza jäne deputattar, ūrpaqtyŋ bolaşaǧyn oilasaq, qazaqy qūndylyqtary saqtalǧan ūlt bolamyz desek, bügıngı betımen ketken äleumettık jelını retke keltıru kerek", - delıngen jazbada.
”Adyrna” ūlttyq portaly
