ۇلىبريتانيا ۋكرايناعا M270 رەاكتيۆتى دۇركىندەتىپ اتۋ جۇيەسىن بەرەتىن بولدى. وككۋپانتتارعا 80 شاقىرىم قاشىقتىقتان سوققى بەرەتىن قارۋدى بەرتەندەرىن ۇلىبريتانيانىڭ قورعانىس ءمينيسترى بەن ۋوللەس مالىمدەدى، دەپ حابارلايدى “ادىرنا” ۇلتتىق پورتالى.
ۇلىبريتانيانىڭ قورعانىس ءمينيسترى ۋكرايناعا قاراۋ-جاراقپەن كومەك كورسەتۋى رەسەيدىڭ اسكەري تاكتيكاسىنا بايلانىستى وزگەرىپ وتىراتىنىن ايتتى.
“قاشىقتان سوققى بەرەتىن م270 رەاكتيۆتى قارۋى ۋكراينا قالالارىن الىستان اتقىلاپ، قيراتىپ جاتقان ورىس اسكەرىنە قارقىندى تويتارىس بەرە الادى، – دەدى بەن ۋوللەس.
اعىلشىنداردىڭ M270 جۇيەسىن بەرۋدى اقش تارابى دا قولداپ وتىر. ويتكەنى قارۋدىڭ ءدال وسى ءتۇرىن امەريكانىڭ كومپانيالارى وندىرەتىنى بەلگىلى. سوندىقتان اعىلشىندار ءۇشىنشى ەلگە اتالمىش قارۋدى اقش-تىڭ كەلىسىمىمەن عانا بەرە الادى.
ال پۋتين باتىس ەلدەرى ۋكرايناعا قاشىقتان سوققى بەرەتىن قارۋلاردى بەرۋىن توقتاتپاسا، جاڭا نىساندارعا سوققى بەرەتىنىن ايتىپ، قورقىتقان.
بىراق ۋكراينانى وداقتاستارى ءپۋتيننىڭ قوقان-لوقىسىنا ءمان بەرگەن جوق. تاياۋدا اقش ۋكرايناعا كورەسەتەتىن 700 ملن دوللارلىق اسكەري كومەگىنە ىشىنە HIMARS زىمىراندار كەشەنىن ەنگىزگەن بولاتىن. HIMARS ۋكراين ساربازدارىنىڭ قولىنا تيەتىن بولسا، وككۋپانتتارعا ايتارلىقتاي تويتارىس بەرەتىنى انىق.
“ادىرنا” ۇلتتىق پورتالى
