الماتى قالاسىنداعى «بالۋان شولاق» اتىنداعى مادەنيەت جانە سپورت سارايىندا كۇرەس تۇرلەرىنەن بولات تۇرلىحانوۆ كۋبوگى ءوتىپ جاتىر. بۇگىن، جارىستىڭ 2-كۇنى گرەك-ريم كۇرەسىنىڭ شەبەرلەرى 72, 77, 82 كگ دەيىنگى سالماقتا، ال ايەلدەر 57, 62, 68, 76 كگ دەيىنگى سالماقتا جۇلدەگە تالاستى، دەپ حابارلايدى “ادىرنا” ۇلتتىق پورتالى.
نازارلارىڭىزعا وسى جەكپە-جەكتەردىڭ ناتيجەسىن ۇسىنامىز:
72 كگ:
التىن – مۇحاممەد رەزا گەراەي (يران)
كۇمىس – مەيىرجان شەرماحامبەت (قازاقستان)
قولا – ماحمۋد باحشيللوەۆ (وزبەكستان)
جۋىردا عانا ۇلان-باتىردا ازيا چەمپيونى اتانعان مەيىرجان شەرماحامبەت بولات تۇرلىحانوۆ كۋبوگىندا 72 كەلىگە دەيىنگى سالماقتا جانكۇيەرلەرىن تاعى قۋانتتى. 26 جاستاعى بالۋان 2-اينالىمدا توكيو وليمپياداسىنىڭ جەڭىمپازى، الەم جانە ازيا چەمپيونى مۇحاممەد رەزا گەراەيدى ۇتتى. ەكەۋى تاعى فينالدا كەزدەسۋى كەرەك ەدى. الايدا قازاقستاندىق سپورتشى جاراقاتىنا بايلانىستى كۇرەسە العان جوق.
جالپى ەكى قۇرداس بالۋان وسىمەن 4-رەت بوزكىلەمدە كۇش سىناستى. مەيىرجان وسى جەكپە-جەكتىڭ بارىندە يراندىق قارسىلاسىنان باسىم ءتۇستى. الدىڭعى 3 كەزدەسۋ 2018 جىلى بولعان. مەيىرجان اۋەلى يرانداعى تاحتي كۋبوگىندا، سوسىن ماجارستانداعى گران-پريدە جانە بۋداپەشتەگى الەم چەمپيوناتىنىڭ شيرەك فينالىندا 9:0 ەسەبىمەن ايلاسىن اسىرعان.
”ادىرنا” ۇلتتىق پورتالى
