جاڭاوزەندە "وزەنمۇنايگازدان" جۇمىس سۇراپ بارعان ەكى ەر ادام قىزمەتكە ورنالاسا الماعاننان كەيىن وزدەرىنە پىشاق تىعىپ العان. بۇل تۋرالى جاڭاوزەن قالاسى اكىمدىگىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
قالا اكىمدىگىنىڭ مالىمەتىنشە، 9 ماۋسىم كۇنى ساعات 15.00-دە ءبىر توپ ادام كومپانياعا جۇمىسقا ورنالاسۋدى تالاپ ەتىپ، "وزەنمۇنايگاز" اق عيماراتىنىڭ الدىنا جينالعان.
"جۇمىسقا ورنالاسا الماعان ەكەۋى - ازامات س.ك. جانە ازامات س.ت. (بۇرىن سوتتالعان) ءىشتىڭ الدىڭعى قابىرعاسى مەن بىلەك ايماعىنا پىشاقپەن جاراقاتتار سالىپ، ەكەۋى دە قالالىق اۋرۋحاناعا جاتقىزىلدى", - دەلىنگەن اقپاراتتا.
ولاردىڭ ومىرىنە قاۋىپ جوق. اۋرۋحاناعا جەتكىزىلدى. جاراقات العانداردىڭ ءبىرى اۋرۋحاناعا جاتۋدان باس تارتىپ، عيماراتتان شىعىپ كەتكەن.
اكىمدىك ەر ادامدار بۇرىن وقۋدان ءوتىپ، 1 ماۋسىمدا جەكە كومپانياعا 250 مىڭ تەڭگە جالاقىمەن جۇمىسقا ورنالاسقان.
"ولارعا مۇناي-گاز سالاسىنا جۇمىسقا قابىلداۋ الگوريتمگە سايكەس، جالپى كەزەك تارتىبىمەن جۇزەگە اسىرىلاتىنى بىرنەشە رەت ءتۇسىندىرىلدى. الگوريتمدى بۇزۋ، كەزەكسىز جۇمىسقا ورنالاستىرۋ باسقا جۇمىسقا ورنالاسۋعا ۇمىتكەرلەرگە ادىلەتسىزدىككە اكەپ سوعادى"- دەلىنگەن حابارلامادا.
”ادىرنا” ۇلتتىق پورتالى
