Jańaózende "Ózenmunaıgazdan" jumys surap barǵan eki er adam qyzmetke ornalasa almaǵannan keıin ózderine pyshaq tyǵyp alǵan. Bul týraly Jańaózen qalasy ákimdiginiń baspasóz qyzmeti málimdedi, dep habarlaıdy “Adyrna” ulttyq portaly.
Qala ákimdiginiń málimetinshe, 9 maýsym kúni saǵat 15.00-de bir top adam kompanııaǵa jumysqa ornalasýdy talap etip, "Ózenmunaıgaz" AQ ǵımaratynyń aldyna jınalǵan.
"Jumysqa ornalasa almaǵan ekeýi - azamat S.K. jáne azamat S.T. (buryn sottalǵan) ishtiń aldyńǵy qabyrǵasy men bilek aımaǵyna pyshaqpen jaraqattar salyp, ekeýi de qalalyq aýrýhanaǵa jatqyzyldy", - delingen aqparatta.
Olardyń ómirine qaýip joq. Aýrýhanaǵa jetkizildi. Jaraqat alǵandardyń biri aýrýhanaǵa jatýdan bas tartyp, ǵımarattan shyǵyp ketken.
Ákimdik er adamdar buryn oqýdan ótip, 1 maýsymda jeke kompanııaǵa 250 myń teńge jalaqymen jumysqa ornalasqan.
"Olarǵa munaı-gaz salasyna jumysqa qabyldaý algorıtmge sáıkes, jalpy kezek tártibimen júzege asyrylatyny birneshe ret túsindirildi. Algorıtmdi buzý, kezeksiz jumysqa ornalastyrý basqa jumysqa ornalasýǵa úmitkerlerge ádiletsizdikke ákep soǵady"- delingen habarlamada.
”Adyrna” ulttyq portaly
