اقتوبەدە سالىنىپ جاتقان نىسانداردىڭ بىرىنەن بالانىڭ دەنەسى تابىلدى. بۇل تۋرالى اقتوبە وبلىسى پوليتسيا دەپارتامەنتىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
9 ماۋسىمدا ەسەت باتىر تۇرعىن الابىنىڭ №3 شاعىناۋدانى اۋماعىندا سالىنىپ جاتقان نىسانداردىڭ بىرىنەن 12 جاستاعى بالانىڭ دەنەسى تابىلعان.
"قان جوعالتۋ، باس، دەنەسىنىڭ جوعارى جانە تومەنگى بولىگىندەگى جاراقات" تۇرىندە زورلىق-زومبىلىق بەلگىلەرى بار بالانىڭ دەنەسى تابىلدى، قىلمىستىق ءىس تىركەلدى. الدىن-الا مالىمەت بويىنشا، بالاعا جانۋار شابۋىلداعان بولۋى مۇمكىن", - دەلىنگەن حابارلامادا.
“ادىرنا” ۇلتتىق پورتالى
