تالدىقورعانداعى نازارباەۆ ەسكەرتكىشىن قيراتتى دەپ ايىپتالعان جەتىسۋ وبلىسىنىڭ 38 جاستاعى تۇرعىنى سوتتالدى. تالدىقورعان قالالىق سوتىندا ازامات باتىرباەۆقا قاتىستى ۇكىم شىقتى، دەپ حابارلايدى “ادىرنا” ۇلتتىق پورتالى.
"تەرگەۋ ماتەريالدارى مەن سوتتالۋشىنىڭ ءوز كىناسىن مويىنداعانى تۋرالى پروتسەسسۋالدىق كەلىسىم سوتقا ءتۇستى. سوت شەشىمىمەن ول شارتتى تۇردە 4 جىل 6 ايعا باس بوستاندىعىنان ايىرىلدى. وسى مەرزىمدە سوتتالۋشىعا پروباتسيالىق باقىلاۋ جاسالادى", - دەپ حابارلادى تالدىقورعان قالالىق سوتى.
ەسكە سالا كەتەيىك، 38 جاستاعى ازامات باتىرباەۆ قاڭتاردا تالدىقورعاندا بولعان تارتىپسىزدىككە قاتىسقانى ءۇشىن جاۋاپقا تارتىلدى. ول 2016 جىلى ورتالىق الاڭدا ورناتىلعان نازارباەۆ ەسكەرتكىشىن بۇزۋ كەزىندە جۇك كولىگىن جۇرگىزگەن.
“ادىرنا” ۇلتتىق پورتالى
