نۇر-سۇلتان قالاسىنىڭ اكىمى التاي كولگىنوۆ سۇحبات بارىسىندا بالالارى جىلىنا بىرنەشە ميلليون تەڭگەگە جەكە مەكتەپتە وقيدى دەگەن سىنعا جاۋاپ بەردى. ول اقپاراتتى جالعان دەپ اتادى. قالا باسشىسىنىڭ سۇحباتىنىڭ ءۇزىندىسى chinovnik_kz Telegram-ارناسىندا جاريالاندى، دەپ حابارلايدى “ادىرنا” ۇلتتىق پورتالى.
ايتا كەتەيىك، التاي كولگىنوۆتىڭ بالالارى قىرۋار اقشاعا جەكە مەكتەپتە وقيتىنى تۋرالى شۋلى سيۋجەت تاراعان بولاتىن.
اسحات نيازوۆ "بالالارىڭىز ءبىر وقۋشىعا جىلىنا 7 ميلليون تەڭگە تولەيتىن جەكە مەكتەپكە باراتىنى راس پا؟" دەگەن سۇراعىنا التاي كولگىنوۆ "بۇل شىندىققا جاناسپايدى" دەپ جاۋاپ بەردى.
ء"يا، مەن بۇل سيۋجەتتى كوردىم. الايدا، تەكسەرىلمەگەن اقپاراتتى باق-تا تاراتۋعا بولمايدى. مەنىڭ بالالارىم 7 ميلليون تەڭگە تولەيتىن مەكتەپتە وقىمايدى. ولار قالالىق مەكتەپ-ليتسەيگە بارادى. ۇلكەنى گرانتتا وقيدى، ەكىنشى بالام اقىلى تۇردە ءبىلىم الادى. قالعانى بالاباقشاعا بارادى. مەن بالالارىمنىڭ وقۋى ءۇشىن جەتى ميلليون تولەمەيمىن. مەندە ونداي جالاقى جوق", - دەدى نۇر-سۇلتان قالاسىنىڭ اكىمى.
سونداي-اق، ول ءوزىنىڭ جالاقىسىنىڭ مولشەرى تۋرالى سۇراققا جاۋاپ بەردى. بۇگىنگى تاڭدا ول 1 ميلليون 900 مىڭ تەڭگە الادى. ول 800 ميلليارد تەڭگە بيۋدجەت قاراجاتىنا جاۋاپ بەرەتىن اكىمى رەتىندە وعان جوعارى جاۋاپكەرشىلىك جۇكتەلگەنىن اتاپ ءوتتى.
"جاۋاپكەرشىلىك ارتىپ جاتىر. مەنىڭ ويىمشا، مۇندا ءبارى پروپورتسيونالدى بولۋى كەرەك. مەملەكەتتىك قىزمەتشى ءۇشىن ەڭ باستىسى اقشا ەمەس، جاۋاپكەرشىلىك. ەگەر اقشا بولسا، مەن بيزنەستە جۇمىس ىستەيتىن ەدىم", - دەپ جاۋاپ بەردى التاي كولگىنوۆ.
