Nūr-Sūltan qalasynyŋ äkımı Altai Kölgınov sūhbat barysynda balalary jylyna bırneşe million teŋgege jeke mektepte oqidy degen synǧa jauap berdı. Ol aqparatty jalǧan dep atady. Qala basşysynyŋ sūhbatynyŋ üzındısı chinovnik_kz Telegram-arnasynda jariialandy, dep habarlaidy “Adyrna” ūlttyq portaly.
Aita keteiık, Altai Kölgınovtıŋ balalary qyruar aqşaǧa jeke mektepte oqityny turaly şuly siujet taraǧan bolatyn.
Ashat Niiazov "balalaryŋyz bır oquşyǧa jylyna 7 million teŋge töleitın jeke mektepke baratyny ras pa?" degen sūraǧyna Altai Kölgınov "Būl şyndyqqa janaspaidy" dep jauap berdı.
"İä, men būl siujettı kördım. Alaida, tekserılmegen aqparatty BAQ-ta taratuǧa bolmaidy. Menıŋ balalarym 7 million teŋge töleitın mektepte oqymaidy. Olar qalalyq mektep-liseige barady. Ülkenı grantta oqidy, ekınşı balam aqyly türde bılım alady. Qalǧany balabaqşaǧa barady. Men balalarymnyŋ oquy üşın jetı million tölemeimın. Mende ondai jalaqy joq", - dedı Nūr-Sūltan qalasynyŋ äkımı.
Sondai-aq, ol özınıŋ jalaqysynyŋ mölşerı turaly sūraqqa jauap berdı. Bügıngı taŋda ol 1 million 900 myŋ teŋge alady. Ol 800 milliard teŋge biudjet qarajatyna jauap beretın äkımı retınde oǧan joǧary jauapkerşılık jüktelgenın atap öttı.
"Jauapkerşılık artyp jatyr. Menıŋ oiymşa, mūnda bärı proporsionaldy boluy kerek. Memlekettık qyzmetşı üşın eŋ bastysy aqşa emes, jauapkerşılık. Eger aqşa bolsa, men bizneste jūmys ısteitın edım", - dep jauap berdı Altai Kölgınov.
Ūqsas jaŋalyqtar
