Nūr-Sūltan qalasynyŋ äkımı Altai Kölgınovtıŋ aituynşa, LRT jobasyn aiaqtauǧa milliard dollarǧa juyq qarajat qajet, dep habarlaidy "Adyrna" portaly zakon.kz-ke sıltep.
"Bastapqyda onyŋ kölemı 2,6 milliard dollardy qūrady. Bız ony 800 millionnan astam dollarǧa qysqarttyq - qarajatty ünemdedık. Qazır qūrylysty aiaqtauǧa milliard dollar qajet - vagondar, relster, barlyq infraqūrylym bar. Jalpy, qūrylystyŋ finalyna jetu üşın bızge osynşa qarajat qajet", - dep atap öttı ol halyq aldyndaǧy esep beru kezdesuınde.Äzırge äkımdık ekınşı deŋgeilı bankter qatysa alatyn syrtqy qaryzdarǧa tender jariialady. Bız tek syrtqy qaryzdardy ǧana emes, eger ışkı qarjy naryǧynda qalaityndar bolsa, qarastyramyz. BJZQ qarastyrylmaidy, tek ekınşı deŋgeilı bankter ǧana, - dep atap öttı Altai Kölgınov. Äkım jobanyŋ aiaqtalu merzımın jariialamady.
"Naqty merzım qanşa ret aityldy, sodan keiın osy merzım jospary būzyldy. Sondyqtan, men asyǧystyq tanytqym kelmeidı. Qarjylandyru közderın qalai şeşemız, kelısımge qol qoiamyz, naqty jol kartasy, jūmys kestesı bolady, sodan keiın aitamyz", - dep qosty ol.Qarjylandyru konkursyn 2021 jyldyŋ jazynyŋ aiaǧyna deiın aiaqtau josparlanǧan. Būǧan deiın qala basşysy LRT qūrylysyn salu jūmysyn qalpyna keltıru turaly resmi türde mälımdegen.
"Adyrna" ūlttyq portaly
Ūqsas jaŋalyqtar
