الماتىنىڭ قالا ماڭىنداعى اۋىلدارىنىڭ بىرىندە مەكتەپ وقۋشىسى ءۇش جاسار قىزدى كوشە دارەتحاناسىنان الىپ شىقتى، - دەپ حابارلايدى "ادىرنا" ءتىلشىسى الماتى وبلىسىنىڭ توتەنشە جاعدايلار دەپارتامەنتىنە سىلتەمە جاساپ.
ۆەدومستۆونىڭ مالىمەتىنشە، وقيعا 14 شىلدە كۇنى تاڭەرتەڭ قاراساي اۋدانى ىرگەلى اۋىلىندا بولعان. كەلەسى كۇنى تاڭەرتەڭ وقيعا تۋرالى توتەنشە جاعدايلار دەپارتامەنتىنە حابارلاندى.
«2011 جىلى تۋعان بالا كورشىسىنىڭ 2019 جىلى تۋعان قىزىن دارەتحانا شۇڭقىرىنان شىعارىپ العان. ءۇش جاسار قىزدىڭ اناسىنان دارەتحاناعا قىزىنىڭ قۇلاپ كەتكەنىن بىلگەن بالا كومەككە ۇمتىلعان.
العاشىندا بالانىڭ اكەسى ءوزى تومەن تۇسۋگە بەل بۋدى، بىراق قولايلى بولماعان سوڭ، ون جاسار ءاليحان كىشكەنتاي شۇڭقىرعا ءوزى عانا سىياتىنىن ءتۇسىنىپ، ءوز ەركىمەن دارەتحانا شۇڭقىرىنا تۇسەدى. بالانىڭ اينالاسىنا ارقان بايلاپ العان بالانىڭ اكەسى ونى اجەتحاناعا ءتۇسىرىپ، تەز ارادا الدىمەن قىزدى، سوسىن ۇلىن الىپ شىقتى»، - دەپ حابارلادى تجد.
