يراننىڭ رۋحاني كوسەمى اياتوللا ءالي حامەنەي يزرايل يسلام رەسپۋبليكاسىنا قارسى وپەراتسيا باستاعاننان بىرنەشە ساعات وتكەن سوڭ جەراستى بۋنكەرىنە جاسىرىندى. بۇل تۋرالى بۇگىن، 16 ماۋسىمدا Iran International جازدى، دەپ حابارلايدى «ادىرنا» ءتىلشىسى.
شەتەلدىك باق-تىڭ مالىمەتىنشە، حامەنەي ورنالاسقان نىسان تەگەراننىڭ سولتۇستىك-شىعىسىنداعى لاۆيزان اۋدانىندا ورنالاسقان.
«جەراستى بۋنكەرىندە ونىڭ وتباسى مۇشەلەرى دە بار. رۋحاني كوسەم 2024 جىلدىڭ ءساۋىر جانە قازان ايلارىندا يزرايلگە قارسى وتكەن الدىڭعى وپەراتسيالار كەزىندە دە ءدال وسى بۋنكەرگە جاسىرىنعان»،—دەلىنگەن حابارلامادا.
بۇعان دەيىن ءيزرايلدىڭ يرانعا جاساعان جاپپاي شابۋىلىنان 224 ادام قازا تاپقانى تۋرالى جازعان ەدىك.
