قازاقستانداعى زاماناۋي بيزنەسكە يدەيالار عانا ەمەس، ءوسۋ ءۇشىن ناقتى قۇرالدار دا قاجەت. استانادا ەۋروپا قايتا قۇرۋ جانە دامۋ بانكى (ەقدب) مەن Shell كومپانياسىنىڭ قولداۋىمەن وتكەن Shell LiveWIRE بيزنەس-كونفەرەنتسياسىنىڭ اۋديتورياسىنا ءدال وسىنداي ماڭىزدى وي جەتكىزىلدى.
استانادا وتكەن كونفەرەنتسيا كاسىپكەرلەرگە بيزنەستەگى تاجىريبەلى مامانداردان جيناقى ءارى مازمۇندى ءبىلىم الۋعا، بيزنەستى قالاي ماسشتابتاۋ كەرەك، مىقتى برەندتى قالاي قالىپتاستىرۋ جانە كوماندامەن ءتيىمدى جۇمىس ىستەۋ جولدارىن تۇسىنۋگە مۇمكىندىك بەردى. ساراپشىلاردىڭ باياندامالارىن، تىكەلەي قارىم-قاتىناستى جانە ناقتى كەيستەردى بىرىكتىرگەن فورمات بەلسەندى دامۋ كەزەڭىندە جۇرگەن كاسىپكەرلەر ءۇشىن ەرەكشە قۇندى بولدى.
ءىس-شارانىڭ باستى قۇندىلىعى – قازاقستاندا تۇراقتى ەكونوميكانى دامىتۋ مەن جۇمىس ورىندارىن اشۋدا ماڭىزدى ءرول اتقارىپ وتىرعان شاعىن جانە ورتا بيزنەستى ناقتى قولداۋ بولىپ تابىلادى. ءبىر كۇننىڭ ىشىندە 50-گە جۋىق شاعىن جانە ورتا بيزنەس يەلەرى مەن باسشىلار تاجىريبەلى مامانداردان ناقتى ينسايتتار الىپ، سۇراق-جاۋاپ سەسسيالارىنا قاتىسىپ، تۇراقسىز نارىق جاعدايىندا بيزنەستى جاڭا دەڭگەيگە قالاي شىعارۋ كەرەكتىگىن تالقىلادى.
Shell LiveWIRE – بۇل قازاقستاندا 2018 جىلدان بەرى جۇمىس ىستەپ كەلە جاتقان شاعىن جانە ورتا بيزنەستى قارجىلىق ەمەس تۇرعىدا قولداۋعا ارنالعان پلاتفورما. باعدارلاما كاسىپكەرلىك بەلسەندىلىكتى ارتتىرۋعا، ەكونوميكانى ارتاراپتاندىرۋعا جانە تۇراقتى ىسكەرلىك ورتا قالىپتاستىرۋعا باعىتتالعان. كونفەرەنتسيا قاتىسۋشىلارى بيزنەستى ماسشتابتاۋ، ستراتەگيالىق برەند-مەنەدجمەنتتىڭ پراكتيكالىق قۇرالدارىنا، سونداي-اق X, Y جانە Z ۇرپاقتارىمەن جۇمىس ىستەۋ بويىنشا ينسايتتارعا قول جەتكىزدى.
«قازاقستاننىڭ باتىس وڭىرلەرىندە شاعىن جانە ورتا بيزنەستى قولداۋ – تۇراقتى جانە ينكليۋزيۆتى ەكونوميكا قۇرۋ جونىندەگى ستراتەگيامىزدىڭ ماڭىزدى بولىگى. ەقدب-مەن بىرلەسىپ جۇزەگە اسىرىلاتىن Shell LiveWIRE باعدارلاماسى ارقىلى ءبىز كاسىپكەرلەرگە نەگىزگى داعدىلارىن دامىتۋعا، يننوۆاتسيالاردى ەنگىزۋگە جانە ۇنەمى وزگەرىپ وتىراتىن نارىق جاعدايلارىنا بەيىمدەلۋگە كومەكتەسەمىز» - دەپ شەلل قازاقستان كومپانياسىنىڭ كورپوراتيۆتىك بايلانىستار جونىندەگى ديرەكتورى ايگۇل بارمەنقۇلوۆا ءتۇسىندىردى.
باعدارلاما 8 جىل ىشىندە 2600-دەن استام قازاقستاندىق كاسىپكەرگە قولداۋ كورسەتكەنىن اتاپ وتكەن ءجون. تەك 2024 جىلى Shell LiveWIRE بيزنەس اكسەلەراتسياسىنان 122 قاتىسۋشى ءوتتى، ولار ەلدىڭ تۇكپىر-تۇكپىرىنەن كەلگەن 23 تالىمگەر مەن ساراپشىلاردان وقىتۋ مەن جەكە كونسۋلتاتسيالار الدى.
Shell LiveWIRE باعدارلاماسى تەك ءبىلىم بەرۋ باستاماسى عانا بولىپ تابىلمايدى، سونىمەن قاتار كاسىپكەرلىك نارىعىن جۇيەلى تۇردە دامىتادى. بۇل رەتتە كونسۋلتاتسيالىق كورسەتىلەتىن قىزمەتتەر مەن باسقا دا قارجىلىق ەمەس قولداۋ قۇرالدارىن ۇسىنۋ ارقىلى ولاردىڭ باسەكەگە قابىلەتتىلىگىن ارتتىرۋ ماقساتىندا جوعارى ءوسىم الەۋەتى بار شاعىن جانە ورتا بيزنەستى قولداۋعا ەرەكشە نازار اۋدارۋ قاجەت.
«شەلل» — ەنەرگەتيكا جانە مۇنايحيميا سالاسىنداعى كومپانيالاردى بىرىكتىرەتىن حالىقارالىق كونتسەرن، ونىڭ شتاب-پاتەرى ۇلىبريتانيانىڭ لوندون قالاسىندا ورنالاسقان.
قازىرگى ۋاقىتتا «شەلل» قازاقستان ەكونوميكاسىنا ەڭ ءىرى شەتەلدىك ينۆەستورلاردىڭ ءبىرى بولىپ تابىلادى. «شەلل» كونتسەرنى مىناداي جوبالارعا قاتىسادى: سولتۇستىك كاسپي بويىنشا ءونىمدى ءبولۋ تۋرالى كەلىسىم (وبك) (قاتىسۋ ۇلەسى 16.81%), قاراشىعاناق كەن ورنىنىڭ ءونىمىن ءبولۋ تۋرالى تۇپكىلىكتى كەلىسىم (قاتىسۋ ۇلەسى - 29.25%).
Shell LiveWIRE شاعىن جانە ورتا بيزنەس سەكتورىنىڭ كاسىپكەرلەرىن قولداۋ جونىندەگى عالامدىق فلاگماندىق باعدارلاماسى قازىرگى ۋاقىتتا الەمنىڭ 20 ەلىندە جۇمىس ىستەيدى. 2018 جىلدان باستاپ باعدارلاما جەرگىلىكتى كاسىپورىندارعا قوسىمشا مۇمكىندىكتەر بەرە وتىرىپ، قر اۋماعىندا جۇمىسىن باستادى. تولىعىراق اقپاراتتى مىناداي سايتتاردان تابۋعا بولادى:
قازاقستان رەسپۋبليكاسىندا 2001 جىلدان بەرى جۇمىس ىستەپ كەلە جاتقان ەقدب-نىڭ «شاعىن بيزنەسكە ارنالعان كونسۋلتاتسيالار» باعدارلاماسى شىعىستاردى ءبولۋ قاعيداتى نەگىزىندە جەرگىلىكتى جانە حالىقارالىق كونسۋلتانتتاردى تارتا وتىرىپ، ميكرو، شاعىن جانە ورتا كاسىپورىندارعا (مشوك) كونسۋلتاتسيالىق قىزمەتتەر الۋعا كومەكتەسەدى. قازىرگى تاڭدا 3000-نان استام كونسۋلتاتسيالىق جوبا جۇزەگە اسىرىلدى. سونىمەن قاتار، ەقدب قازاقستاندا مشوك-تى قولداۋدىڭ ومىرشەڭ جانە ءوزىن-ءوزى قامتاماسىز ەتەتىن ينفراقۇرىلىمىن قالىپتاستىرۋ ماقساتىندا كونسالتينگ نارىعىن جۇيەلى تۇردە دامىتۋ جۇمىستارىن جۇرگىزۋدە.
«شەلل قازاقستان» 2013 جىلى قازاقستانداعى ەرىكتى الەۋمەتتىك ينۆەستيتسيالار اياسىندا باعدارلامانىڭ جەكە دونورلارىنىڭ ءبىرى بولدى. ەقدب مەن شەللدىڭ بىرلەسكەن جۇمىسىنىڭ باستى ماقساتى ءوڭىر ەكونوميكاسىن ءارتاراپتاندىرۋ، جەرگىلىكتى تۇرعىنداردىڭ مۇناي-گاز سەكتورىنا تاۋەلدىلىگىن ازايتۋ، كاسىپكەرلىك داعدىلارىن دامىتۋ جانە باسەكەگە قابىلەتتى كاسىپورىنداردى ءوسىرۋ بولىپ تابىلادى.
