Qazaqstandaǧy zamanaui bizneske ideialar ǧana emes, ösu üşın naqty qūraldar da qajet. Astanada Europa qaita qūru jäne damu bankı (EQDB) men Shell kompaniiasynyŋ qoldauymen ötken Shell LiveWIRE biznes-konferensiiasynyŋ auditoriiasyna däl osyndai maŋyzdy oi jetkızıldı.
Astanada ötken konferensiia käsıpkerlerge biznestegı täjıribelı mamandardan jinaqy ärı mazmūndy bılım aluǧa, biznestı qalai masştabtau kerek, myqty brendtı qalai qalyptastyru jäne komandamen tiımdı jūmys ısteu joldaryn tüsınuge mümkındık berdı. Sarapşylardyŋ baiandamalaryn, tıkelei qarym-qatynasty jäne naqty keisterdı bırıktırgen format belsendı damu kezeŋınde jürgen käsıpkerler üşın erekşe qūndy boldy.
Is-şaranyŋ basty qūndylyǧy – Qazaqstanda tūraqty ekonomikany damytu men jūmys oryndaryn aşuda maŋyzdy röl atqaryp otyrǧan şaǧyn jäne orta biznestı naqty qoldau bolyp tabylady. Bır künnıŋ ışınde 50-ge juyq şaǧyn jäne orta biznes ielerı men basşylar täjıribelı mamandardan naqty insaittar alyp, sūraq-jauap sessiialaryna qatysyp, tūraqsyz naryq jaǧdaiynda biznestı jaŋa deŋgeige qalai şyǧaru kerektıgın talqylady.
Shell LiveWIRE – būl Qazaqstanda 2018 jyldan berı jūmys ıstep kele jatqan şaǧyn jäne orta biznestı qarjylyq emes tūrǧyda qoldauǧa arnalǧan platforma. Baǧdarlama käsıpkerlık belsendılıktı arttyruǧa, ekonomikany ärtaraptandyruǧa jäne tūraqty ıskerlık orta qalyptastyruǧa baǧyttalǧan. Konferensiia qatysuşylary biznestı masştabtau, strategiialyq brend-menedjmenttıŋ praktikalyq qūraldaryna, sondai-aq X, Y jäne Z ūrpaqtarymen jūmys ısteu boiynşa insaittarǧa qol jetkızdı.
«Qazaqstannyŋ batys öŋırlerınde şaǧyn jäne orta biznestı qoldau – tūraqty jäne inkliuzivtı ekonomika qūru jönındegı strategiiamyzdyŋ maŋyzdy bölıgı. EQDB-men bırlesıp jüzege asyrylatyn Shell LiveWIRE baǧdarlamasy arqyly bız käsıpkerlerge negızgı daǧdylaryn damytuǧa, innovasiialardy engızuge jäne ünemı özgerıp otyratyn naryq jaǧdailaryna beiımdeluge kömektesemız» - dep Şell Qazaqstan kompaniiasynyŋ korporativtık bailanystar jönındegı direktory Aigül Barmenqūlova tüsındırdı.
Baǧdarlama 8 jyl ışınde 2600-den astam qazaqstandyq käsıpkerge qoldau körsetkenın atap ötken jön. Tek 2024 jyly Shell LiveWIRE biznes akselerasiiasynan 122 qatysuşy öttı, olar eldıŋ tükpır-tükpırınen kelgen 23 tälımger men sarapşylardan oqytu men jeke konsultasiialar aldy.
Shell LiveWIRE baǧdarlamasy tek bılım beru bastamasy ǧana bolyp tabylmaidy, sonymen qatar käsıpkerlık naryǧyn jüielı türde damytady. Būl rette konsultasiialyq körsetıletın qyzmetter men basqa da qarjylyq emes qoldau qūraldaryn ūsynu arqyly olardyŋ bäsekege qabılettılıgın arttyru maqsatynda joǧary ösım äleuetı bar şaǧyn jäne orta biznestı qoldauǧa erekşe nazar audaru qajet.
«Şell» — energetika jäne mūnaihimiia salasyndaǧy kompaniialardy bırıktıretın halyqaralyq konsern, onyŋ ştab-päterı Ūlybritaniianyŋ London qalasynda ornalasqan.
Qazırgı uaqytta «Şell» Qazaqstan ekonomikasyna eŋ ırı şeteldık investorlardyŋ bırı bolyp tabylady. «Şell» konsernı mynadai jobalarǧa qatysady: Soltüstık Kaspii boiynşa önımdı bölu turaly kelısım (ÖBK) (qatysu ülesı 16.81%), Qaraşyǧanaq ken ornynyŋ önımın bölu turaly tüpkılıktı kelısım (qatysu ülesı - 29.25%).
Shell LiveWIRE şaǧyn jäne orta biznes sektorynyŋ käsıpkerlerın qoldau jönındegı ǧalamdyq flagmandyq baǧdarlamasy qazırgı uaqytta älemnıŋ 20 elınde jūmys ısteidı. 2018 jyldan bastap baǧdarlama jergılıktı käsıporyndarǧa qosymşa mümkındıkter bere otyryp, QR aumaǧynda jūmysyn bastady. Tolyǧyraq aqparatty mynadai saittardan tabuǧa bolady:
Qazaqstan Respublikasynda 2001 jyldan berı jūmys ıstep kele jatqan EQDB-nyŋ «Şaǧyn bizneske arnalǧan konsultasiialar» baǧdarlamasy şyǧystardy bölu qaǧidaty negızınde jergılıktı jäne halyqaralyq konsultanttardy tarta otyryp, mikro, şaǧyn jäne orta käsıporyndarǧa (MŞOK) konsultasiialyq qyzmetter aluǧa kömektesedı. Qazırgı taŋda 3000-nan astam konsultasiialyq joba jüzege asyryldy. Sonymen qatar, EQDB Qazaqstanda MŞOK-ty qoldaudyŋ ömırşeŋ jäne özın-özı qamtamasyz etetın infraqūrylymyn qalyptastyru maqsatynda konsalting naryǧyn jüielı türde damytu jūmystaryn jürgızude.
«Şell Qazaqstan» 2013 jyly Qazaqstandaǧy Erıktı äleumettık investisiialar aiasynda baǧdarlamanyŋ jeke donorlarynyŋ bırı boldy. EQDB men Şelldıŋ bırlesken jūmysynyŋ basty maqsaty öŋır ekonomikasyn ärtaraptandyru, jergılıktı tūrǧyndardyŋ mūnai-gaz sektoryna täueldılıgın azaitu, käsıpkerlık daǧdylaryn damytu jäne bäsekege qabılettı käsıporyndardy ösıru bolyp tabylady.
