AQŞ prezidentı Donald Tramp Ukrainaǧa qatysty kelısımge qol jetkızu üşın Vladimir Zelenskii men Vladimir Putinnıŋ kezdesuı mındettı emes dep sanaidy. Būl turaly Amerika köşbasşysy jurnalisterge bergen sūhbatynda mälımdedı, dep habarlaidy «Adyrna» tılşısı.
Sūhbatty Aq üi tıkelei efirde körsettı.
«Olardyŋ bır bölmede otyruy mındettı emes. Menıŋ oiymşa, olar kelısımge basqa jolmen de kele alady. Olarǧa bır bölmede bırge bolu qiyn. Mūnyŋ qalai jüzege asatyny menı qyzyqtyrmaidy», – dedı Tramp jurnalistıŋ sūraǧyna jauap bere otyryp.
Aq üi basşysy ondaǧan myŋ sarbazdyŋ qaza tapqany turaly habarlardy endı körgısı kelmeitının de aitty.
Eske salaiyq, būǧan deiın Donald Tramp Vladimir Zelenskiidı qataŋ synǧa alyp, Ukraina kelısım jasai alatyn jaŋa köşbasşy tabuy kerek ekenın mälımdegen bolatyn. Al Ukraina prezidentı Vladimir Zelenskii Bloomberg agenttıgıne bergen sūhbatynda Tramptyŋ saiasaty Kievtı kapituliasiiaǧa, iaǧni qarsy taraptyŋ şarttaryn qabyldap, berıluge itermelep otyrǧanyn jetkızgen.
Jaqynda būqaralyq aqparat qūraldarynda AQŞ prezidentı men onyŋ komandasy Ukrainaǧa Reseidıŋ şarttaryna sai beibıt kelısım jasatuǧa tyrysatyny turaly aqparat taraǧan edı. Öz kezegınde AQŞ memlekettık hatşysy Marko Rubio juyrda Kiev pen Mäskeu arasyndaǧy qaqtyǧysty beibıt jolmen retteu mäselesıne qatysty AQŞ pen Ukraina qarym-qatynasy turaly pıkır bıldırgen. Onyŋ aituynşa, Donald Tramp Ukraina ūstanymyna jai ǧana köŋılı tolmai otyrǧan joq, ol būl jaǧdaiǧa aşuly.
Al Ukraina prezidentı Vladimir Zelenskii Ukraina, AQŞ jäne Resei basşylarynyŋ üşjaqty kezdesuı ötuı mümkın ekenın mälımdegen.
